தயாநிதி மாறன் மிரட்டியதாக பிரதீப் பைஜால் குற்றச்சாட்டு.



தொலைபேசி ஒழுங்குமுறை ஆணையத்தின் முன்னாள் தலைவர்  பிரதிப் பைஜால் "இந்திய மறு சீரமைப்பின் முழு கதை"  என்ற பெயரில் புத்தகம் ஒன்றை எழுதி உள்ளார். அதில் முன்னாள் பிரதமர் மன்மோகன் சிங்,  2 ஜி வழக்கில் இணைந்து போகுமாறு கூறியதுடன், வழக்கில் ஒத்துழைக்காவிட்டால், கடும் விளைவுகளை சந்திக்க நேரிடும் என்று தன்னை மிரட்டியதாக குறிப்பிட்டுள்ளார்.

தயாநிதி மாறன், ஒளிபரப்பு நிறுவனத்துடன் தொடர்புடையவர் என்பதால் தொலைத் தொடர்புத்துறை அமைச்சராக அவரை நியமிக்க எதிர்ப்பு தெரிவித்திருத்ததையும், அதனை மன்மோகன் சிங் நிராகரித்துவிட்டதையும் அவர் சுட்டிக்காட்டியுள்ளார். 

தொலைத் தொடர்புத் துறையின் அனைத்து முடிவுகளையும் தாமே எடுப்பேன் என்று கூறிய தயாநிதி மாறன்,  உத்தரவுகளுக்கு கட்டுப்படாவிட்டால் மிக மோசமான விளைவுகளை எதிர்கொள்ள நேரிடும் என்றும் தம்மை எச்சரித்தாக பிரதீப் பைஜால் கூறியுள்ளார். ஸ்பெக்ட்ரம் ஊழல் உட்பட ஒவ்வொரு வழக்கிலும், சி.பி.ஐ தரப்பால் தாம் எச்சரிக்கப்பட்டதாக கூறியுள்ள அவர், பிரதமராக இருந்த மன்மோகன்சிங் ஒப்புதலுடனேயே ஆ.ராசா, தயாநிதி மாறன் ஆகியோர் தொலைத் தொடர்புத் துறை சார்ந்த நடவடிக்கைகளை மேற்கொண்ட அந்த புத்தகத்தில், பிரதீப் பைஜால் கூறியுள்ளார்.

No comments:

Post a Comment